100 Days Battles: 2012-05-06

12 May 2012

Day 7 - Same place for 2 meals

呢幾日都冇咩努力過, 所以今朝就加重杯麥皮份量, 希望食得健康d, 又可以頂飽肚.

嗶, 杯麥皮真係幾係野, 同Mr. Chan係Starbucks食早餐個陣, 只係咬咗兩口Signature Sandwich咋, 而coffee同奶茶我本身不嗜的, 所以只喝了兩口, 仲走煻tim.

跟sis去咗附近既餐廳食飯, 叫咗個豬扒set lunch. 個餐湯好差, 成碗味精水咁, 只喝了兩口就放棄了. 豬扒飯個賣相又唔錯喎, 味道方面都算幾好, 少咸又少汁, 其實我都唔係太肚餓, 有留手, 食剩d飯. 食完飯飲咗杯熱lemon tea走糖, 消一消滯.

下午茶個陣, 同Mr. Chan去咗附近茶餐廳, 唔覺肚餓, 所以冇叫野食, 但係...我"可口樂樂"發作, 呀~~~飲咗一杯"龍鳳樂樂".

哈! 晚飯個陣本來同家人去酒樓食飯, 早知道母親節前夕多人, 已經預早book位啦, 點知被安排係幾張麻雀枱旁, 嗶~~~嘈到呢...最後都係放棄了. 走到附近食肆, 間間門外都一堆堆人, 當經過今日中午食lunch既餐廳時, 竟然人影都冇隻, 可能係西餐卦, 多數母親都愛中餐, 而且價錢比附近的畧貴, 我估咪冇人law. 都好, 我家大人都愛靜, 咪入去再試下. 我叫咗個set meal, 湯我就唔飲了, 個羊扒飯好快就到, 味道都算okay, 但係塊羊扒好多根, 同埋個舊骨頭好大, 切走埋d肥膏後, 真正食到落肚既羊扒唔多, 食完得五成飽, 都好...食少d有著數. hahhaa!!

NatNatB病咗, 希望佢快d好返.

Day 7 - Mirror Mirror

今日同媽咪、哥哥去左旺角睇白雪公主決戰黑心皇后

so熱狗、popcorn、zero就係我既brunch喇！

套戲都幾好笑吖～係臨尾有d不濟囉。。。

下午行左陣街，就返屋企抖下

預備陣間去做運動麻～

夜晚食左半碗飯，肉餅同大量菜

抖左陣就出發喇！

報告！是日新嘗試 ﹣ 打golf (￣^￣)ゞ

同哥哥打左2個鐘，出左一身汗！正！

總算有做下運動na～

本來想第2日去游水架～但哥哥話唔好wor～咁就過兩日先囉～

11 May 2012

Day 6 - No cooking today!

早晨呀各位, 想唔到食咩早餐tim, Mr. Chan提議去吉吉家, 要咗個牛肉米加抄蛋, shuuuu......仲加咗杯可口的樂樂(心虛...只喝了幾口).

Late lunch, 係Mr. Chan新學的茄汁抄意粉, 仲有司華力大肉腸tim. 佢呢個dish已經學得大成, 係時候教佢做另一味...嘻!

晚餐個陣, Mr. Chan又大顯身手, 煮咗個米米俾我食, 難得佢咁乖, 碗回鍋肉係就係多油咗d, 但係都要捧下場嘛.

Day 6* 大病初癒

是日男人黎搵我，同我去北帝街食雞絲湯檬粉，不過我3分1都食唔晒。。。冇咩胃口。。成日想嘔。頂住頂住咁。(´･_･`) 之後佢想帶我睇醫生，但我最憎就係睇醫生架喇！所以最後我都冇就範 (￣ー￣) 之後返到屋企整下野，夜晚就同阿爸阿媽去左叫餸食飯！媽媽叫左我最愛的梅菜蒸魚，鮑片生菜同梅子蒸排骨俾我食。。可惜都仲係頂住頂住，所以食左半碗飯就算喇。。（；￣ェ￣）呢兩日雖然冇咩點食，但都冇咩點旭，希望唔好肥我啦！！。・゜・(ノД`)・゜・。

10 May 2012

Day 5* Sick Leave =_="

是日頭痛到裂。。所以淨係飲左媽媽煲既湯一碗及小量米粉。。之後全日係床喇。。（−＿−；）

我的減肥寶貝 --- 1 ***

我之前都講過我有d tricky methods去減肥，佢地對於我呢種唔做運動，又唔係太節到食既胖妹而言，就可以大大發揮佢地既功用喇~
雖然有部份叻叻未試過，不過坊間有好多數據都證明佢地係work，我先入手架！價錢唔貴，可妨一試~容咩易單車都變摩托架！
而家就俾大家睇下其中一寶先~ 佢叫明列子，係台灣野黎既~而家呢個係佢沖水後既樣，可能大家食台式甜品或者台式飲品個陣都見過佢架喇！方法好簡單，只需要沖水或者果汁就可以飲用架喇！味道就冇乜，好似食火龍果d核咁囉！冇咩特別，但佢既功用就係增加飽肚感，令腸道可以快速愚動，排清宿便，令人輕鬆d，又可以自然食少d，縮番細胃部個份量。

09 May 2012

Day 5 - Eating out is Dangerous

昨晚食咁多, 今朝食返杯麥片清下腸胃.

去壽宴時帶咗三個壽包返屋企, 佢係雪櫃係咁引誘我, 等我食咁一個先...嘻!

Mr. Chan肚餓, 去咗茶餐廳, 食咗個豉椒雞肉抄河. 好後悔呀, 因為碟河好肥.

今晚sis帶咗我去一間位於Soho既小店#Le Moment#, 是晚心情開朗, 忍唔著叫咗杯beer. 老板好熱情咁介紹餐牌, 最後叫咗個豬扒set: caesar salad, asparagus soup, pork chop with mashed potatoes and the dessert is Crème Brûlée. 是晚晚餐由頭到尾都很美味, 很滿足呢!

出外吃飯真係好危險, 除咗容易中咗'三高', 即多糖多咸多油; 最難係美食當前, 我對食量係冇咩控制, 真係要想下計仔.

Day 4 - Wonton Day

哈哈, 今晚有壽宴, 睇怕我都對抗唔到. 昨日包咗百幾隻雲吞, 派剩d, 今日決定K.O.埋去. 早餐食咗十六隻...

是, 是我也...天氣太熱, 我偷偷喝了.

不是我小家, 係冇料子了, 縮咗一半的餡. 看, 塊皮邊有幾大! 最後八隻...

今日重頭戲-壽宴, 嗶, 咩有成十幾道菜...??? 我好叻, 由頭吃到尾, 最後仲有我最愛的壽包完場. 食完唔敢立即返屋企著, 在家附近散步咗20分鐘, 算係有交代吧(自我安慰中...).

Day 4 - 我最喜愛食品之一。烏冬*

今天的brunch是由父親大人親自買回來的菜遠肉片飯，吃了半盒便飽了，全因事前飲了明列子（＾∇＾）v ，增加了飽肚感，我踏上成功的道路了！之後就去左銅鑼灣Dermes脫毛毛，順便攞埋之前ViVi送既dazzlin plastic folder~ 好彩地男人今次去北角出job，所以可以5點收工，唔使再捱夜住喇。。ahahaha(￣▽￣) 我呢個廿四孝當然去接放工啦！因為男人今晚去秀茂坪度瞓，所以我地就過左apm食甘味讚岐手打烏冬lu~
哈哈哈！我梗係食佢最馳名既鐵板牛肉蕃茄手打烏冬啦~佢就食吉列豬扒蕃茄手打烏冬！再加多個軟骨餃子同煙肉菠菜餅！cool~ 好好味！個蕃茄手打烏冬簡直冇得彈！
報告：大家可以放心，我冇乜點飲個湯架~ 怕肥麻。。總結，我食左3分2個烏冬+2舊餃子！應該ok既~ btw，我今日磅過重。。現在58.3kg。。Jan* 革命尚未成功，同志仍需努力！(￣^￣)ゞ

08 May 2012

Day 3 - Start from Oatmeal

係廚房企咗成十幾分鐘, 終於鼓起勇氣沖咗杯燕麥片另加咗一匙honey, 係櫃到找到包Mask & Spencer既Muesli加咗一匙. 味道okay喎, Muesli有nuts and fruit, 又幾有口感.

之前係supermarket買既青紅蘿蔔豬骨湯包, 琴晚瞓覺前滾咗十幾分, 放咗入真空煲就去瞓. 今朝起身check下, 已經完成, 好香甜, 係有d肥, 要飛咗d油先飲得. 用個湯煮咗個上海麵, 除加咗兩舊午餐肉外, 另外仲係湯渣中拿出兩舊紅蘿蔔. 嗶, 個湯底好味到不得了, 而紅蘿蔔仲好甜, 一個字"正".

出街前食埋之前剩反個半個木瓜, 仲係好頂呱呱!!

跟Mr. Chan走咗去九龍仔公園散步, 天氣好好, 仲好熱tim呀.

行完公園, 就走咗去九龍城街市買餸. 之後Mr. Chan話肚餓, 我們就提早食lunch, 因為11點都未到, 仲有breakfast order. 以為個早餐份量少, 但食完之後, 都飽飽地, 十分好味.

經過一個下午的努力, 我至愛的雲吞終於完成, total食咗六粒, 係for試味咋...XD (平時我最少要食廿幾粒架).

今日好早就上床瞓覺覺豬, 因為工作關係, 平日作息時間都係日夜顛倒, 係呢100days我會盡量「早睡早起」, 希望啦!!

Day 3 - High Tea @ Disneyland Resort

OMG!!!! 大家見到個標題係咪有呢個反應呢？！其實姊妹們要減肥都唔使待薄自己既，邊享受邊落磅咪仲開心~
唔好睇我淨係識享受，以為我放棄左大事！其實呢個tea係我將一個早餐+一個午餐換番黎架！感覺上會唔會好d?! 而且個tea set係3個人share既，可以食得幾多吖！再者，大家一邊吹水一邊慢慢食，可以加速個飽肚感，相對地我比平時食得仲少左架！(￣^￣)ゞ我地由下午2點幾3點左右到達，食到6點幾。個3層野都食唔晒呀！所以都唔過份吖~ 再加上個環境咁靚，減肥最緊要減得開心麻~ 雖然係遠左少少。。。（；￣ェ￣）

07 May 2012

Day 2 - More fruits

我覺得自己係餓鬼上身law, 明明食飽咗, 不用一兩個鐘頭就覺得肚餓. 為咗解決呢個問題, 我今日就試下用生果做我的代餐. 當然我知生果既糖份高, 不能做代餐減肥, 但多吃生果都係有益, 總比起食碗飯落肚好吧...XD

呢個木瓜係琴日係煙廠街買的, 老板娘特別幫我揀咗個超甜木瓜, 我仲加咗lemon juice一起食, '正'到不能形容. 老板娘仲介紹咗水蜜桃, 嗶...不得了又香又甜又多水, 真的要返去買多幾個.