今日同男人一早起身諗住去睇畢加索既巴黎國立畢加索藝術館珍品展
所以我地就去沙田連城食lunch先～
pick左間新開而且出名食海南雞既餐廳，佢叫＜味皇＞
梗係一入去就order一人一個海南雞餐啦！
海南雞及各飲品食品都幾好食～
不過，d侍應態度就超差喇。。。
叫佢又唔應扮睇唔到，諗住個經理路過叫佢冇得避啦～又叫我等等！
等咩呀！等佢同d細既傾完計，先叫個細既同我落單喎！可怒！！！
呢間野咪洗指意我會再幫襯呀！癡根！！
之後就行去睇畢加索喇～
沿路都有人同我地一齊行，心諗唔會好似上次Pixar個個咁多人掛。。。
去到原來冇咩人排隊姐～點知係有原因架！
原來當日同之後個日既票都賣晒喇。。。
所以大家記得去之前要上城市電腦售票網度訂票呀！
如果唔係就好似我咁摸晒門釘喇。。。
之但係～ 俗語有云 ﹣ 不到黃河心不死！
叻叻點會甘心就咁走吖～
所以，最後男人帶我潛左入去！
嘩哈哈哈！不過，辦法就費事講喇～
總之，去到就會諗到架喇！XD
睇完之後，我就趕去朗豪坊八月軒見下有成8年冇見既二伯一家喇！
好耐無見喇！可惜差一個先齊人。。。
一點完菜，即刻雞啄唔斷咁講講講！
7個人食16樣野。。
不過，食得開心咪得囉～
See？！佢地食得幾開心！
雖則八月軒都係美心集團，但係d野食好有水準wor～
好好味！I'll will be back！
Highlight黎喇！佢出名既super size napoleon with mixed fruits
佢一出場，連旁邊d人都望晒過黎呀！！！
因為佢真係超大～大過茶壺喔！！！
食飽飽就周圍行下～
我地去左玩細個時候既玩意掟彩虹呀！！！！
仲玩得好開心添呀！中左好多禮物喔！！
WOOHOO！！！
最後，奉上同可愛的表弟合照一張！！
歡迎並多謝大家收看Nat's Channels
No comments:
Post a Comment